明知屋有鬼
編到鬼屋擠
當死唔使病
頓變舂瘟雞
在下早就講咗架啦、但凡準備加入縣衙�H人必須要搞清楚自己有冇蘇州屎先吖嘛、點知硬係冇人信鏡�H。嗱、今次又有個唔信鏡�H人賴嘢喇！佢咪就係前巡捕房「動力」工程師震波王囉！剛剛有報導指、震波王涉嫌在房津申請表上填寫不正確資料而遭青天衙門檢控。消息顯示當震波答應出任縣府「歌妓局」局長之後、呢單嘢就立即東窗事發。如果我話過你知、假如震波唔係答應埋縣太爺堆�H話、呃房津呢單嘢係永遠都唔會曝光、你又信唔信？其實當年墨缸單畸屎已經係一面鏡子嚟架啦！點解震波硬係要咁戇居博好彩�H呢？呢鋪都可謂陸雲霆睇相咯！
當今縣衙出晒名係猛鬼屋嚟、但凡藍底或近乎藍底�H人都是最惹鬼的。事實已經證明咗、那些身有屎而又冇自知之明�H人無一幸免�H。聽聞話、能力越係高超�H人、越係被鬼纏得緊�H。睇起嚟、原來係班惡鬼唔想見到縣太爺手下有能人、所以才見一個就整一個。莫講話來縣衙當差�H人被整、即使連前縣太爺阿狼都被纏到冇得留低、都咪話班惡鬼唔厲害。有人問、唔通縣太爺手下�H係庸才就冇事咩？嗱、係與唔係、我唔敢講。之不過、大家都有眼睇、被黃思冠以廢柴�H前大賬房掌櫃阿𠾍連做兩屆都冇問題、大概可見一斑矣！再唔係�H話、就睇睇剛剛辭職�H戒律院院長死火猿做到賴屎賴尿、居然在臨走前得到兩講巡撫雙料明大贊其作出重大貢獻、而縣太爺諗井亦稱贊佢表現卓越。咁你話啦、係咪連鬼都要撐硬佢哋呢？如果唔係咁、朝廷亦無須自己動手揀卒啦！之但係、惡鬼就係連朝廷都冇面畀、係都要整殘藍底人。你家陣吹吹咩？！
